ألقى مصطفى البكوري، الرئيس الجديد لمجلس جماعة تطوان، كلمة صباح اليوم، الإثنين، خلال حفل تسليم السلط بينه وبين الرئيس المنتهية ولايته.
وقال البكوري: “حنا جينا باش نخدمو المدينة ديالنا اللي الساكنة ديالا وضعت فينا الثقة، وكنتمناو من الله نكونو على قد المسؤولية اللي تحملناها”.
وأضاف: “الحمل ثقيل من ديكشي اللي كنت كنتصورو ودبا كنستشعر حجم المسؤولية الكبيرة اللي صبحت كنهز على العاتق ديالي من خلال تولي الرئاسة”.
وأردف: “وخا الحمل ثقيل وكيخوف ولكن مع الإرادة والموظفين ديالنا الأكفاء بمختلف المصالح الجماعية غنحققو بزاف د الحاجات اللي محتاجالها تطوان والساكنة ديالا”.
وأبرز أن “الأولوية ديالنا غتكون للإنسان قبل من أي حاجة أخرى، وكنتمنى نكون عند حسن تطلعات الساكنة اللي كنواعدها باللي غنخدمها بدون إدخار أي جهد”.
وخاطب رؤساء الأقسام مردفا: “حنا عوالين عليكم باش نزيدو بالمدينة للقدام وإن شاء الله غنخدمو فانسجام تام وغنوحدو الجهود ديالنا لما فيه الصالح العام”.
