علق أسامة العمراني، نائب رئيس لجنة التربية والتعليم والتكوين والبحث العلمي، والتكوين المهني وإنعاش الشغل بمجلس جهة طنجة تطوان الحسيمة، على افتتاح متجر “إيكيا كابو” بعد ما رافق حفل التدشين نت جدل على مواقع التواصل الاجتماعي.
وقال العمراني على جداره بموقع التواصل الاجتماعي فيسبوك: “ليوم الثلاثاء 14 فبراير 2023 كان الافتتاح دالفرع الثاني فالمغرب دمتجر IKEA فطريق كابونيغرو بين كولينور ولاكاسية وأنا كنت من بين المدعوين لحضور هاد الافتتاح بصفتي منتخب عن إقليم تطوان بمجلس جهة طنجة تطوان الحسيمة.طبعا افتتاح مشروع فحال هذا فراحنا به بزاف لأن غيوفر 500 منصب شغل مباشر و1000 منصب شغل غير مباشر. من بعد مابداو كيتنشروا الصور والأخبار حول هذا الافتتاح كذلك بداوا كيبانو منشورات ومقالات كتنتقد المشروع بحجة أن شباب المنطقة ديالنا مقصيين من فرص الشغل فهاد المتجر وأن هادشي بتواطؤ من المنتخبين دالمنطقة وبعض الناس كيتفاعلوا مع المنشور وكصدقوا هاد المنشورات (العميقة) اللي ماعندا علاقة بالواقع.الله يجازيكم بخير بحثوا وتأكدوا من صحة المعلومة عاد نشروها“.
وأضاف: “أولا: المنتخبين ماعندهم علاقة لا من بعيد ولا من قريب بإنشاء هاد المشروع، إذا قالكم شي منتخب هو اللي جاب إيكيا غير كيكذب عليكم، حيت هذا ثمرة من ثمار الوكالة الخاصة طنجة المتوسط TMSAثانيا: حسب ما صرح به مدير المتجر بحضور المسؤولين، الناس اللي خدامين فإيكيا 90% منهم ولاد المنطقة ودك 10% دالإداريين والناس اللي عندهم ديبلومات داللوجيستيك اللي قليل فالناس ديالنا كيتوفر عليه.ثالثا: بزاف دالشباب تقبلوا فالمقابلات باش يخدموا ولكن مابغاوشي يمشيوا لكازا يعملوا السطاج.رابعا: ماخصناشي نبخسوا بالمجهودات اللي تبدلت باش يكون هاد المشروع فالمنطقة ديالنا من أجل خلق فرص الشغل.خامسا: خص الشباب ديالنا يتوجهوا للتكوين ويأهلوا راسهم لسوق الشغل حيت هذا هو العائق الحقيقي اللي عندنا فالشمال، لأن نسبة كبيرة من الشباب ديالنا ما عندومشي مؤهلات، واللي عندو مؤهلات 90% منهم شواهد عليا فالقانون، وهادشي بان التأثير ديالو فالضجة الكبيرة اللي وقعت على مباراة مهنة المحاماة“.
وأردف: “وأنا مافلتشي الفرصة دالتواجد ديالي فالافتتاح وفتحت نقاش مع مدير المتجر حول هذا الموضوع وجبرت السيد عندو مسألة تشغيل أبناء المنطقة من الأولويات، واقترحت عليه يعملوا دورات تكوينية لفائدة الشباب الراغبين في كسب الخبرة أو تطوير مهاراتهم التقنية فهاد الميدان“.
وسجل العمراني في نفس التدوينة غياب صحافة مدينة تطوان، وتابع: “أثار انتباهي غياب أو تغييب المنابر الإعلامية المحلية“.
